عبر عن مشاعرك باااابيااااااااااااات

تدري وش كثر الوله بين الضلوع؟!
شي أضمّه حيل قـدر المستطـاع
وتدري ليه القلب معلن بالخضـوع
لانـه يْحـسّ بحـلاوة الاجتمـاع
وتدري ليه العين تغـرق بالدمـوع
لو تحس إنه بـدى وقـت الـوداع
يا حبيبي يا بعـد حلـم الرجـوع
يـا هـوى كـل المتيّـم والمتـاع
لا تحَسْب إني على الفرقى جزوع
أبتسم لك .. بس في جوفي صراع
لا تغـرّك وقفتـي عنـد الطلـوع
يوم صار الشعر بعضـه إستمـاع
أسقي جذور الشعر وأنسى الفروع
وأكتبه من قبـل حسـن الاطـلاع
لو نَظَرْتْ لعاشقك نَظْـرَتْ قنـوع
تـدرك إنـه مـا يواريـه القنـاع
وإنت روحه يا ضيا كل الشمـوع
في وسط حبـر الليالـي واليـراع
دام حبك ما عرف شيـن الطبـوع
لك عليّ إنّي أطيعـك يـا مُطـاع
لو تثـور العيـن والدمعـه تلـوع
ما بقـى للكحـل موضـع إمتنـاع
الشعـر سيفـي ونظراتـك دروع
وإحتدام المعركه ضربـة شجـاع
والهوى أشكـال تقتـل كـلّ نـوع
والوشايـا صوتهـم يبقـى رعـاع
لا تهاب أصواتهم لو هـي جمـوع
صاحبـك فكّـاك تجميـع النـزاع
صاحبك دون الغلا يفـداك طـوع
لو تكون المركب .. يْكون الشراع
بس .. يبليه الوله بيـن الضلـوع
ليتـك تْضمّـه بقـدر المستطـاع