انسان متواضع
*
*
صدقتني يا ضميـري فـي الـذي قلتـه
الحمـدلله بنفسـك شـايـف وسـامـع
*
ما جبت انا شي من عنـدي ولا ضفتـه
كل الحقيقـه كشفهـا الوقـت والواقـع
*
صبرت قلبـي علـى الدنيـا ولا طعتـه
ما ارضى لقلبي يعيـش بواقـع مخـادع
*
قلبن علـى الـود والاخـلاص علمتـه
ارضى له الموت ما ارضى اليوم يتراجع
*
ما هي غريبـه خيانـة عاشقـن صنتـه
خاين وغره في لحظه صـدري الواسـع
*
ذنبـي عطيتـه ثقـه عميـا وفضلـتـه
ما كنت منه بغيـر الحـب انـا طامـع
*
لا يحسب اني علـى النسيـان راهنتـه
اللي يبي يخـون يقـدر يوجـد الدافـع
*
هيهات اسامـح وألملـم شـي بعثرتـه
ماني من اللـي يعيـش بواقعـه ضايـع
*
كلمه وانـا مـا اكـرر قولـي ان قلتـه
غيرت دربي وانا ثابـت علـى الطابـع
*
طبعي صريح وضميـري مـا تجاهلتـه
المشكلـه لا خدعـك انسـان متواضـع
