متى عرفتيني حتى تحبيني
لو قلت لك بدري ما اظن انا غلطان
متى لمحتي الشوق والصدق في عيني
وبيني وبينك درب غربة وبيبان
وش تحسبين الحب ياللي تحاكيني
الحب ماهو سالفه بين خلان
الحب صدق احساس وسط الشرايني
الحب ياصوت لفى نبض ولهان
اليوم لاقلتي معك باكر بتنسيني
هذي الحقيقة واسئلي كل انسان
انتي خدعتي احساسك لاماخدعتيني
والمختبي مع مر الايام بيبان
لاتسأليني ليه وش صار وش فـيـني
لاتلعبين بخافق بات حيران
كانك تبين القرب شبي ودفيني
ولا اتركيني بزحمه البعد بردان
